مالکی مذہب میں ایک تسلیم سے نماز ختم کرنے پر باحوالہ ثبوت

فرض نماز کے سلسلے میں، بعض احباب کو مالکی مذہب میں ایک تسلیم سے نماز ختم کرنے سے مسئلہ ہے۔

یہ عام مسلمانوں کے درمیان تنازعہ کا موضوع بن گیا ہے، لیکن یہ کسی بھی مکتبہ فکر (مذہب) کے اہل علم (علماء) کے درمیان کبھی بھی مسئلہ نہیں رہا۔

اس تنازعہ یا الجھن کی وجہ سے، جب عام مسلمان مالکی مذہب کے ماننے والے کے پیچھے نماز پڑھتا ہے، خاص طور پر اگر وہ خود کسی دوسرے مکتبہ فکر سے تعلق رکھتا ہے، تو وہ اس الجھن میں پڑ جاتا ہے کہ امام صرف ایک ہی تسلیم کیوں کر رہا ہے۔

وہ شاید یہ نہ جانتے ہوں کہ اگر کوئی مذہبِ امامِ مالک رحمہ اللہ تعالی میں راجح قول پر عمل کرنے کا انتخاب کرتے ہیں – یعنی ایک تسلیم کے ساتھ نماز کا اختتام کرنا (یعنی نماز ختم کرنے کے لیے السلام علیکم کہنا) تو اس میں کوئی حرج نہیں ہے۔ .

اس مراسلے کا مقصد یہ ہے کہ ایک تسلیم کے جواز پر چاروں مکاتبِ فکر کے اندر مختلف نبوی اقوال (احادیث) کے ساتھ ساتھ علماء کے مختلف اقوال کو بھی درج کیا جائے۔

کچھ لوگ کہیں گے، “اچھا، اتحادِ امت کے لیے، کیوں نہ صرف وہی کریں جو مسلم معاشرے کی واضح اکثریت کرتی ہے؟ مطلب، آپ دو تسلیمات کرتے ہوئے اس اختلاف کو سرے سے ختم ہی کیوں نہیں کر دیتے، کیوں کہ ایسا لگتا ہے کہ آپ ہی علماء کی واضح اکثریت کے خلاف ہیں۔” کیا دو تسلیمات سنت نہیں ہے؟

مندرجہ بالا کا جواب دیتے ہوئے، ہم اسے اس اسلامی طرز زندگی کے بارے میں تھوڑا سا مزید جاننے کی ترغیب دیں گے، خاص طور پر شریعت کے بارے میں، تاکہ اہلِ سنت کے علماء اور صوادِ اعظم (اہلسنت والجماعت) کے درمیان جائز اختلافات کے بارے میں غیر اخلاقی انداز میں بات کرنے سے گریز کیا جا سکے۔ ۔  

حافظ البیہقی رحمہ اللہ نے اپنی کتاب “المدخل” میں اور امام بدر الدين الزركشي نے اپنی “التذكرة في الأحاديث المشتهرة” میں بیان کیا ہے:

امام القاسم بن محمد بن ابی بکر صدیق رضی اللہ عنہ نے فرمایا:

“اصحاب محمد صلی اللہ علیہ وسلم کا اختلاف اللہ کے بندوں کے لیے رحمت ہے۔”

اس لیے عام آدمی یا عالم دونوں کو چاہیے کہ کسی کو ایک تسلیم کرنے کے صحیح قول پر عمل کرنے پر عیب جوئی نہ کرے کیونکہ امام مالک ابن انس اور اہل مدینہ کا یہی منہج ہے کہ رسول اللہ ﷺ نے اپنی نماز ایک ہی تسلیم کے ساتھ ختم کی۔

ایک تسلیم ہی وہ ہے جس پر احادیث یا اقوالِ نبویہ کے ساتھ ساتھ مدینہ کے لوگوں کا بھی رواج رہا ہے جو کہ مالکی مکتب میں اس بات کا ثبوت ہے۔ جیسا کہ رسول اللہ ﷺ نے اپنی ظاہری زندگی کے آخری ایام مدینۃ المنورہ میں بسر کئے اور وہ لوگ جنہوں نے آپ کے ساتھ زیادہ وقت گزارا۔ وہ اصحابِ رسول ﷺ تھے جنہوں نے مدینہ شہر میں شریعت اور قرآن کا ایک بڑا حصہ سیکھا۔ اس کے بعد انہوں نے اپنے بچوں کو نماز پڑھنے کا طریقہ سکھایا، بچوں نے، پھر اسی طرح اپنے بچوں کو اس انداز میں نماز پڑھنے کا طریقہ سکھایا۔ یہ عمل وہی ہے جو امام مالک نے مدینہ کے لوگوں کو کرتے دیکھا، یہ اتنا ہی آسان ہے۔ ان کی پیروی اس لیے کی گئی کہ ان علماء اور لوگوں  نے نماز اپنے والدین سے سیکھی ہے اور انہوں نے اپنے ان والدین سے سیکھی ہے کہ جنہوں نے رسول اللہ ﷺ نے نماز پڑھنا سکھایا۔

احادیث اور آثار (صحابہ و تابعین کی روایتیں) سے مالکی مذہب میں ایک تسلیم سے نماز ختم کرنے پر باحوالہ ثبوت

1۔

عَنْ عَائِشَةَ، أَنَّ رَسُولَ اللَّهِ صلى الله عليه وسلم كَانَ يُسَلِّمُ فِي الصَّلاَةِ تَسْلِيمَةً وَاحِدَةً تِلْقَاءَ وَجْهِهِ يَمِيلُ إِلَى الشِّقِّ الأَيْمَنِ شَيْئًا ‏

ام المؤمنین عائشہ رضی اللہ عنہا فرماتی ہیں کہ رسول اللہ ﷺ نماز کے لیے آگے کی طرف رخ کرتے ہوئے ایک سلام کہتے تھے اور دائیں طرف تھوڑا سا رخ موڑتے۔

امام ترمذی کی جامع میں مروی ہے – امام حاکم نے کہا: “یہ روایت امام بخاری و مسلم کی متعین شرائط پر صحیح ہے، امام/حافظ ذہبی نے اس موقف سے اتفاق کیا اور امام دارقطنی رحمہ اللہ نے بھی اس موقف سے اتفاق کیا۔ اپنی صحیح میں، اسی طرح امام ابن خزیمہ نے اپنی صحیح میں اس سے اتفاق فرمایا

2.

روى أحمدُ عن عائشة رضي الله عنها في صِفة صلاة وِتْر رسولِ الله صلَّى الله عليه وسلَّم قالتْ: “… ثُمَّ يَجلس فيتشهَّد ويدعو، ثُمَّ يُسلّم تسليمةً واحدة: السَّلام عليْكم، يَرفع بها صوتَه حتَّى يوقظَنا”.

امام احمد بن حنبل عائشہ رضی اللہ عنہا سے روایت کرتے ہیں کہ رسول اللہ صلی اللہ علیہ وسلم طاق نماز (صلوٰۃ الوتر) کس طرح پڑھتے تھے، آپ نے فرمایا (حدیث کا خلاصہ) آپ ﷺ تشہد کے لیے بیٹھے، تلاوت فرمائی، پھر دعا کی، پھر ایک سلام کیا، اس کے ساتھ آواز بلند کی، یہاں تک کہ آپ ﷺ نے ہمیں بیدار کر دیا۔ (جب آپ ﷺ نماز ادا فرما رہے تھے تو آپ کے گھر والے آرام فرما (سو) رہے تھے)۔

یہ امام احمد بن حنبل کی مسند میں مذکور ہے۔

3.

حَدَّثَنَا أَبُو مُصْعَبٍ الْمَدِينِيُّ، أَحْمَدُ بْنُ أَبِي بَكْرٍ حَدَّثَنَا عَبْدُ الْمُهَيْمِنِ بْنُ عَبَّاسِ بْنِ سَهْلِ بْنِ سَعْدٍ السَّاعِدِيُّ، عَنْ أَبِيهِ، عَنْ جَدِّهِ، أَنَّ رَسُولَ اللَّهِ ـ صلى الله عليه وسلم ـ سَلَّمَ تَسْلِيمَةً وَاحِدَةً تِلْقَاءَ وَجْهِهِ ‏

عبد المھیمن بن عباس بن سہل بن سعد الساعدی رضی اللہ عنہ نے اپنے والد سے اور اپنے دادا سے روایت فرمائی کہ رسول اللہ صلی اللہ علیہ وسلم نے سامنے کی طرف ایک تسلیم ( ایک بار السلام علیکم کہہ کر نماز ختم فرمائی۔(یعنی سامنے سے شروع ہو کر تھوڑا سا دائیں طرف ختم کرنا جیسا کہ پہلی حدیث سے ظاہر ہوا ہے)

اس کا ذکر امام ابن ماجہ کی سنن میں ہے اور یہ صحیح ہے۔

4.

وعن أبي هريرة رضي الله تعالى عنه: ” أن رسول الله صلى الله عليه وسلم صلى على جنازة، فكبر عليها أربعا، وسلم تسليمة واحدة “

حضرتِ ابوہریرہ رضی اللہ عنہ سے روایت ہے کہ رسول اللہ ﷺ  نے جنازہ کی نماز پڑھی تو چار تکبیریں کہیں اور ایک تسلیم ۔

مستدرک الصحیحین کے اندر بھی امام دارقطنی سے مذکور ہے – صحیح بخاری و مسلم پر امام حاکم کی تفسیر میں ہے، امام البیہقی فرماتے ہیں: “اسناد یا روایت کا سلسلہ حسن صحیح ہے۔

5۔

قال ابن المنذر في الأوسط – حدثنا إبراهيم بن عبد الله قال : أخبرنا عبد الله بن بكر قال : ثنا حميد قال : صليت مع أنس فكان يسلم تسليمة واحدة : السلام عليكم

امام ابن المنذر نے الاوسط میں بیان فرمایا کہ حمید رضی اللہ عنہ نے کہا:میں نے (صحابیِ رسول ﷺ) انس بن مالک رضی اللہ عنہ کے ساتھ نماز پڑھی اور وہ ایک مرتبہ سلام کہتے: السلام علیکم۔

| ابن المنذر شافعی کی الاوسط میں مذکور |

6۔

قال ابن أبي شيبة – حدثنا يونس بن محمد قال حدثنا جرير بن حازم عن أيوب عن أنس أن النبي صلى الله عليه و سلم سلم تسليمة

انس رضی اللہ عنہ فرماتے ہیں کہ رسول اللہ ﷺ  نے صرف ایک بار ہی تسلیم فرمائی۔

| اس کا تذکرہ مصنف ابن ابی شیبہ سے ہے اور یہ صحیح ہے |

7۔

قال ابن ماجه – حدثنا محمد بن الحارث المصري حدثنا يحيى بن راشد عن يزيد مولى سلمة عن سلمة بن الأكوع قال رأيت رسول الله-صلى الله عليه وسلم- صلى فسلم مرة واحدة.

سلمہ بن اکوع رضی اللہ عنہ فرماتے ہیں کہ میں نے رسول اللہ ﷺ کو نماز پڑھتے ہوئے دیکھا، آپ نے صرف ایک بار السلام علیکم کہا۔

| اس کا تذکرہ امام ابن ماجہ کی سنن میں ہے اور یہ صحیح ہے۔

8۔

قال الدارقطني – حدثنا يحيى بن محمد بن صاعد حدثنا يحيى بن خالد أبو سليمان المخزومي المدني حدثنا عبد الله بن نافع الصائغ عن عبد المهيمن بن عباس بن سهل الساعدي عن أبيه عن جده أن رسول الله -صلىالله عليه وسلم- سلم تسليمة واحدة عن يمينه من الصلاة.

سہل بن سعد رضی اللہ عنہ اپنے والد سے روایت کرتے ہیں جو اپنے دادا سے روایت کرتے ہیں: رسول اللہ ﷺ  نے دائیں جانب صرف ایک سلام کہا۔

| امام دارقطنی کی سنن میں مذکور ہے اور یہ مستند ہے۔

9.

قال عبد الرزاق – عن جعفر بن سليمان قال : أخبرنا الصلت بن دينار قال : سمعت الحسن يقول : كان رسول الله صلى الله عليه وسلم وأبو بكر وعمر وعثمان يسلمون تسليمة واحدة ، قال الصلت : وصليت خلف عمر بن عبدالعزيز فسلم واحدة

ابن دینار رضی اللہ عنہ کہتے ہیں کہ حسن رضی اللہ عنہ نے فرمایا:

رسول اللہ ﷺ، حضرت ابوبکر، حضرت عمر، اور حضرت عثمان رضی اللہ عنہم اجمعین سب ایک ہی سلام پھیرتے تھے، پھر حضرت عاص رضی اللہ عنہ نے فرمایا: میں نے عمر بن عبدالعزیز رضی اللہ عنہ کے پیچھے نماز پڑھی اور انہوں نے ایک بار سلام کیا۔

| امام عبد الرزاق کی مصحف میں مذکور – حسن لغیرہ |

10۔

وقال ابن أبي شيبة – قال حدثنا وكيع عن الربيع عن الحسن أن النبي صلى الله عليه و سلم وأبا بكر وعمر كانوا يسلمون تسليمة واحدة

حضرت ربیع، حضرت امام حسن رضی اللہ عنہ سے روایت کرتے ہیں، انہوں نے کہا: “نبی اکرم ﷺ،حضرت ابوبکر اور حضرت عمر رضی اللہ عنہما سب ایک ہی تسلیم کیا کرتے تھے۔”

| اس کا تذکرہ امام ابن ابی شیبہ کی مصحف میں ہے اور یہ صحیح ہے |

11۔

قال ابن أبي شيبة – حدثنا أبو خالد الأحمر عن حميد قال كان أنس يسلم واحدة

حضرت حمید رضی اللہ عنہ بیان کرتے ہیں کہ حضرت انس بن مالک رضی اللہ عنہ ایک سلام کرتے تھے (السلام علیکم کہہ کر نماز ختم کرتے تھے)۔

| اس کا تذکرہ امام ابن ابی شیبہ کی مصحف میں ہے اور یہ صحیح ہے |

12.

وقال عبد الرزاق – عن ابن جريج قال أخبرني نافع وسألته : كيف كان ابن عمر يسلم إذا كان إمامكم ؟ قال : عن يمينه واحدة السلام عليكم

ابن جریج ضی اللہ عنہ کہتے ہیں کہ میں نے نافع رضی اللہ عنہ سے پوچھا کہ عبداللہ بن عمر رضی اللہ عنہ جب تمہارے امام تھے تو سلام کیسے کہتے تھے؟ اس نے کہا، ”اس نے اپنے دائیں جانب ایک بار ”السلام علیکم” کہہ کر ایسا فرماتے تھے۔

| اس کا ذکر امام عبدالرزاق کی مصحف میں ہے اور یہ صحیح ہے۔

13.

قال ابن خزيمة – أنا أبو طاهر نا أبوبكر نا محمد بن يحيى نا معلى بن أسد العمي حدثنا وهيب عن عبيد الله بن عمر عن القاسم عن عائشة رضي الله عنها : أنها كانت تسلم تسليمة واحدة قبالة وجهها السلام عليكم .

عمر ابن القاسم بیان کرتے ہیں کہ حضرتِ عائشہ رضی اللہ عنہا اپنے چہرے کے بالمقابل (یعنی دائیں طرف) السلام علیکم کہتی تھیں۔

وصحح إسناده الأعظمي ورواه أيضاً ابن أبي شيبة

الأعظمی نے اس کی سند کو صحیح قرار دیا اور امام ابن ابی شیبہ نے بھی اسے روایت کیا ہے۔

14.

حَدَّثَنَا عُثْمَانُ بْنُ أَبِي شَيْبَةَ، حَدَّثَنَا وَكِيعٌ، عَنْ سُفْيَانَ، عَنِ ابْنِ عَقِيلٍ، عَنْ مُحَمَّدِ ابْنِ الْحَنَفِيَّةِ، عَنْ عَلِيٍّ، رضى الله عنه قَالَ قَالَ رَسُولُ اللَّهِ صلى الله عليه وسلم ‏ “‏ مِفْتَاحُ الصَّلاَةِ الطُّهُورُ وَتَحْرِيمُهَا التَّكْبِيرُ وَتَحْلِيلُهَا التَّسْلِيمُ ‏”‏

علی بن ابی طالب رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا:

“نماز کی کلید پاکیزگی ہے۔ اس کی ابتدا تکبیر ہے اور اس کی انتہا تسلیم ہے۔”

نوٹ – یہ حقیقت کہ آپ نے “تسلیم” فرمایا جو کہ ایک تسلیم کے جائز ہونے کا ثبوت ہے۔ اگر کوئی کہے کہ ‘اس کا مطلب ہے دو تسلیم’، تو ہم کہیں گے، ‘پھر اس کا مطلب دو تکبیریں ہو گا جب آپ نے ‘تکبیر’ فرمایا، لیکن کوئی بھی اس کو صحیح تعبیر تسلیم نہیں کرتا۔ تو ثابت ہوا کہ یہ حدیث ایک تسلیم کی تائید میں ہے۔

| یہ امام ابی داؤد کی سنن میں مروی ہے اور صحیح ہے۔ |

15۔

وَحَدَّثَنِي عَنْ مَالِكٍ، عَنْ يَحْيَى بْنِ سَعِيدٍ الأَنْصَارِيِّ، عَنِ الْقَاسِمِ بْنِ مُحَمَّدٍ، أَنَّهُ أَخْبَرَهُ أَنَّ عَائِشَةَ زَوْجَ النَّبِيِّ صلى الله عليه وسلم كَانَتْ تَقُولُ إِذَا تَشَهَّدَتِ التَّحِيَّاتُ الطَّيِّبَاتُ الصَّلَوَاتُ الزَّاكِيَاتُ لِلَّهِ أَشْهَدُ أَنْ لاَ إِلَهَ إِلاَّ اللَّهُ وَحْدَهُ لاَ شَرِيكَ لَهُ وَأَشْهَدُ أَنَّ مُحَمَّدًا عَبْدُ اللَّهِ وَرَسُولُهُ السَّلاَمُ عَلَيْكَ أَيُّهَا النَّبِيُّ وَرَحْمَةُ اللَّهِ وَبَرَكَاتُهُ السَّلاَمُ عَلَيْنَا وَعَلَى عِبَادِ اللَّهِ الصَّالِحِينَ السَّلاَمُ عَلَيْكُمْ

یحییٰ نے مجھے مالک نے یحییٰ بن سعید الانصاری سے روایت کیا کہ قاسم بن محمد بن محمد نے ان سے بیان کیا کہ عائشہ رضی اللہ عنہا، نبی کریم ﷺ کی زوجہ محترمہ تشہد میں یوں کہا کرتی تھیں: سلام، اچھی باتیں، دعائیں اور خالص اعمال فقط اللہ کےلئے ہیں۔ میں گواہی دیتی ہوں کہ اللہ کے سوا کوئی معبود نہیں، اکیلا ہے اس کا کوئی شریک نہیں، اور میں گواہی دیتی ہوں کہ محمد ﷺ اللہ کے بندے اور رسول ہیں۔ سلامتی ہو آپ ﷺ پر اور رحمتیں ہوں۔ سلام ہو ہم پر اور اللہ کے ان بندوں پر جو صالحین ہیں۔ السلام علیکم و رحمۃ اللہ. ”

“التَّحِيَّاتُ الطَّيِّبَاتُ الصَّلَوَاتُ الزَّاكِيَاتُ لِلَّهِ أَشْهَدُ أَنْ لاَ إِلَهَ إِلاَّ اللَّهُ وَحْدَهُ لاَ شَرِيكَ لَهُ وَأَشْهَدُ أَنَّ مُحَمَّدًا عَبْدُ اللَّهِ وَرَسُولُهُ السَّلاَمُ عَلَيْكَ أَيُّهَا النَّبِيُّ وَرَحْمَةُ اللَّهِ وَبَرَكَاتُهُ السَّلاَمُ عَلَيْنَا وَعَلَى عِبَادِ اللَّهِ الصَّالِحِينَ۔ اور پھر السَّلاَمُ عَلَيْكُمْ۔

مؤطا امام مالک سے اور یہ صحیح ہے۔ – اس کے پڑھنے کے اور طریقے بھی ہیں، یہ ان روایات میں سے ایک ہے۔

16۔

قال ابن القيم في زاد المعاد : قَالَ أَحْمَدُ بْنُ الْقَاسِمِ قِيلَ لِأَبِي عَبْدِ اللّهِ أَتَعْرِفُ عَنْ أَحَدٍ كَانَ يُسَلّمُ عَلَى الْجِنَازَةِ تَسْلِيمَتَيْنِ ؟ قَالَ لَا وَلَكِنْ عَنْ سِتّةٍ مِنْ الصّحَابَةِ أَنّهُمْ كَانُوا يُسَلّمُونَ تَسْلِيمَةً وَاحِدَةً خَفِيفَةً عَنْ يَمِينِهِ فَذَكَرَ ابْنَ عُمَرَ وَابْنَ عَبّاسٍ وَأَبَا هُرَيْرَةَ وَوَاثِلَةَ بْنَ الْأَسْقَعِ وَابْنَ أَبِي أَوْفَى وَزَيْدَ بْنَ ثَابِتٍ . وَزَادَ الْبَيْهَقِيّ : عَلِيّ بْنَ أَبِي طَالِبٍ وَجَابِرَ بْنَ عَبْدِ اللّهِ وَأَنَسَ بْنَ مَالِكٍ وَأَبَا أُمَامَةَ بْنَ سَهْلِ بْنِ حُنَيْفٍ فَهَؤُلَاءِ عَشَرَةٌ مِنْ الصّحَابَةِ

ابن قیم زاد المعاد میں کہتے ہیں؛ احمد بن القاسم نے کہا کہ میرے والد عبداللہ سے کہا گیا کہ کیا آپ کسی ایسے شخص کو جانتے ہیں جس نے نماز جنازہ سے فارغ ہونے پر 2 سلام کہے ہوں، میرے والد نے فرمایا: نہیں، بلکہ چھے صحابہ سے یہ روایت ہے کہ وہ اپنے دائیں طرف ایک دھیمی سے تسلیم کے ساتھ تسلیم کرتے ہیں – میت –

اور ابن عمر نے ایک تسلیم کرنے والوں کا نام لے کر ذکر کیا: ابن عباس، ابوہریرہ، واثلہ ابن الاسقع، ابن ابی اوفی، زید ابن۔ ثابت، رضي الله عنهم اور امام بیہقی نے مزید ذکر کیا ہے۔ علی بن ابی طالب، جابر ابن عبد اللہ، انس بن مالک اور ابو امامہ رضی اللہ عنہم۔ لہذا، اگر سب کا ذکر کریں، صحابہ میں سے 10 اصحاب ہیں۔

17۔

قد روى عن عثمان أنه كان يسلم تسليمة واحدة أخرجه الطبري

روایت ہے کہ (خلیفہ) عثمان بن عفان رضی اللہ عنہ ایک ہی سلام کیا کرتے تھے۔

| امام طبری |

18.

عَنْ عَطَاءِ بْنِ السَّائِبِ ، أَنَّ النَّبِيَّ صلى الله عليه وسلم : سَلَّمَ عَلَى الْجَنَازَةِ تَسْلِيمَةً وَاحِدَةً.أخرجه أبو داود في المراسيل بسند صحيح

عطاء بن سائب رضی اللہ عنہ بیان کرتے ہیں:

’’بے شک رسول اللہ ﷺ نماز جنازہ میں ایک مرتبہ سلام کہا کرتے تھے۔‘‘

| امام ابوداؤد کا مراسلہ |

19۔

حديث ابن عمر رضي الله عنه، فعنه قَالَ: كَانَ رَسُولُ اللَّهِ يَفْصِلُ بَيْنَ الشَّفْعِ وَالْوِتْرِ بِتَسْلِيمَةٍ يُسْمِعُنَاهَا

عبداللہ بن عمر رضی اللہ عنہ بیان کرتے ہیں:

’’نبی کریم صلی اللہ علیہ وسلم جفت نماز (شفع) اور طاق نماز (وتر) کے درمیان 1 سلام سے الگ کرتے تھے۔ (یعنی 2 رکعت ایک سلام کے ساتھ اور پھر 1 رکعت ایک سلام کے ساتھ پڑھنا)۔

20۔

حدثنا يحيى بن سعيد القطان عن وفاء: أن سعيد بن جبير كان يسلم تسليمة

سعید ابن القطان بیان کرتے ہیں کہ “درحقیقت سعید ابن جبیر صرف 1 تسلیم کہتے تھے۔”

21.

. عن أنس بن مالك رضي الله عنه :أن النبي كان يسلم تسليمة واحدة

انس بن مالک رضی اللہ عنہ بیان کرتے ہیں کہ رسول اللہ صلی اللہ علیہ وسلم ایک مرتبہ تسلیم کیا کرتے تھے۔

(حافظ ابن حجر عسقلانی کے مطابق امام بیہقی کی سنن میں صحیح ہے اور انہوں نے کہا کہ تمام سلسلہ (اسناد) میں امام بخاری کے تمام مرد (رجال) ہیں) (یعنی وہ لوگ جن کو امام بخاری رحمہ اللہ مضبوط سمجھتے ہیں۔)

22.

قال ابن المنذر – و حدثونا عن إسحاق بن راهويه قال: أخبرنا أنس بن عياض ، عن يزيد بن أبي عبيد قال: رأيت سلمة وهو ابن الأكوع ، يسلم تسليمة إذا انصرف من الصلاة قبل وجهه إذا كان مع الإمام وغيره

یزید بن عبید کہتے ہیں کہ میں نے سلمہ بن اکوع رضی اللہ عنہ کو ایک مرتبہ تسلیم کرتے ہوئے دیکھا جب وہ امام کے پیچھے یا اس کے علاوہ نماز پڑھ رہے تھے۔

| امام ابن المنذر کی الاوسط میں مذکور ہے اور یہ صحیح ہے |

23.

 قال ابن أبي شيبة – حدثنا عبد الأعلى عن خالد عن أنس بن سيرين عن ابن عمر أنه كان يسلم تسليمة

انس بن سیرین رضی اللہ عنہ، عبداللہ بن عمر رضی اللہ عنہ سے روایت کرتے ہیں کہ وہ 1 تسلیم کہتے تھے۔

| اس کا تذکرہ امام ابن ابی شیبہ کی مصحف میں ہے اور یہ صحیح ہے |

24۔

روى أنس: “أن النبي – صلى الله عليه وسلم – وأبا بكر وعمر وعثمان كانوا يسلمون تسليمة واحدة”

انس رضی اللہ عنہ بیان کرتے ہیں کہ: یقیناً رسول اللہ ﷺ،حضرت ابوبکر صدیق رضی اللہ عنہ، حضرت عمر فاروق رضی اللہ عنہ اور حضرت عثمان ذوالنورین رضی اللہ عنہ سب ایک تسلیم فرماتے تھے۔ “

قال الزيلعي: أخرجه البيهقي في المعرفة (نصب الراية: 1/ 434)، وقال الهيثمي: رجاله رجال الصحيح (مجمع الزوائد: 2/ 146).

“اس کو امام بیہقی نے اپنی سنن میں؛ امام الہیثمی کی مجمع الزوائد میں بھی (مکی الانصاری کی نہیں، بہت سے لوگ ان کو الجھاتے ہیں) کہتے ہیں کہ حدیث کے راوی سب صحیح ہیں۔”

25.

أخرجه الدارقطني عن سَهْلٍ بن سعد السَّاعِدِىِّ: أَنَّ رَسُولَ اللَّهِ -صلى الله عليه وسلم- سَلَّمَ تَسْلِيمَةً وَاحِدَةً عَنْ يَمِينِهِ مِنَ الصَّلاَةِ”. وأخرج عنه –أيضا- أَنَّهُ سَمِعَ رَسُولَ اللَّهِ -صلى الله عليه وسلم- يُسَلِّمُ تَسْلِيمَةً وَاحِدَةً لاَ يَزِيدُ عَلَيْهَا”

سہل بن سعد ساعدی رضی اللہ عنہ بیان کرتے ہیں کہ رسول اللہ ﷺ نے نماز ختم کرنے کے لیے اپنے دائیں طرف 1 سلام فرمایا، آپ سے یہ بھی روایت ہے کہ میں نے رسول اللہ ﷺ کو 1 سلام کہتے ہوئے سنا اور آپ نے (دوسری تسلیم کے ساتھ) اضافہ نہیں کیا۔

| امام دارقطنی کی سنن میں مذکور – حسن لغیرہ |

26۔

وأخرج ابن أبي شيبة: حدثنا أبو خالد عن سعيد بن المرزبان قال: صليت خلف ابن أبي ليلى فسلم واحدة. ثم قال : صليت خلف علي فسلم واحدة و قال أبو هشام الرفاعي : حدثنا أبو أسامة ، قال : حدثنا سعيد بن المرزبان ،وكان ثقة ..

سعید بن مرزبان بیان کرتے ہیں کہ میں نے ابن ابی لیلیٰ کے پیچھے نماز پڑھی اور انہوں نے ایک مرتبہ تسلیم فرمائی، پھر انہوں نے کہا کہ میں نے امام علی رضی اللہ عنہ کے پیچھے نماز پڑھی اور انہوں نے بھی ایک مرتبہ تسلیم فرمائی۔

| امام ابن ابی شیبہ کی مصحف میں مذکور – حسن لغیرہ |

[نوٹ – سعید ابن مرزبان انس بن مالک رضی اللہ عنہ اور سعید بن جبیر رضی اللہ عنہ کے شاگرد تھے۔ ابو اسامہ فرماتے ہیں: وہ ایسے راوی ہیں جو قوی اور معتبر ہیں اور آپ مستند روایات بیان فرماتے ہیں۔ بعض علماء نے کہا کہ وہ ضعیف ہے کیونکہ وہ حدیث نہیں لکھتے تھے، لیکن صحابہ کے شاگردوں میں سے کسی ایک کو ضعیف سمجھنے کی یہ صحیح وجہ نہیں ہے اور اللہ ہی بہتر جانتا ہے۔ اس میں اختلاف ہے لیکن بہت سے بڑے علماء نے اسے قبول کیا۔

ابن ابی لیلیٰ بھی رسول اللہ ﷺ کے صحابہ کرام رضی اللہ عنہم کے شاگرد تھے اور تمام اہل علم کا اس پر اتفاق ہے کہ وہ باوقار راوی تھے۔

27.

حدثنا سهل بن يوسف عن حميد قال : صليت خلف عمر بن عبد العزيز فسلم واحدة.

سہل ابن یوسف رضی اللہ عنہ حمید رضی اللہ عنہ سے روایت کرتے ہیں کہ انہوں نے کہا کہ میں نے (خلیفہ) عمر بن عبدالعزیز کے پیچھے نماز پڑھی، اللہ تعالیٰ نے ان پر رحم کیا اور انہوں نے ایک مرتبہ تسلیم فرمائی۔

| اس کا ذکر امام ابن ابی شیبہ کی مصحف سے ہے اور یہ صحیح ہے |

28.

حدثنا يزيد بن هارون عن ابن عون عن الحسن وابن سيرين: أنهما كانا يسلمان تسليمة عن أيمانهما. وصليت خلف القاسم فلا أعلمه خالفهما.

ابن عون رضی اللہ عنہ، امام حسن رضی اللہ عنہ اور ابن سیرین رضی اللہ عنہ سے روایت کرتے ہیں کہ وہ دونوں اپنے دائیں طرف صرف 1 سلام کہتے تھے اور میں القاسم کے پیچھے نماز پڑھتا تھا اور اس نے ان کی مخالفت نہیں کی۔

| اس کا ذکر امام ابن ابی شیبہ کی مصحف میں ہے اور یہ صحیح ہے |

29۔

حدثنا مصعب بن المقدام قال : نا إسرائيل عن عمران بن مسلم عن سويد: أنه كان يسلم تسليمة واحدة”.

عمران بن مسلم سوید سے روایت کرتے ہیں کہ وہ ایک مرتبہ تسلیم کیا کرتے تھے۔

| اس کا ذکر امام ابن ابی شیبہ کی مصحف میں ہے اور یہ صحیح ہے |

30.

حدثنا يحيى بن سعيد عن إسماعيل عن قيس: أنه كان يسلم تسليمة”.

یحییٰ بن سعید اسماعیل سے روایت کرتے ہیں جو بیان کرتے ہیں کہ قیس ایک تسلیم کیا کرتے تھے۔

عمل كثير من الصحابة والتابعين، ذكر ابن أبي شيبة جمعا منهم (أكثر من ستة عشر)

1 تسلیم کرنے کا تعلق صحابہ کرام رضی اللہ عنہم اور خود صحابہ کے لاتعداد طلباء سے ہے، خود صحابہ کے شاگرد ابن ابی شیبہ نے ان میں سے 70 سے زائد کو بیان کیا ہے کہ وہ صرف اپنی نماز ختم کرنے کے لیے 1 تسلیم کہتے ہیں۔

31.

حَدَّثَنَا مُحَمَّدُ بْنُ عُمَرَ، ثنا سَعِيدُ بْنُ مُسْلِمِ بْنِ بَانَكَ، عَنْ أَبِي مَالِكٍ الْحِمْيَرِيِّ، عَنْ عَطَاءِ بْنِ يَسَارٍ أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ «سَلَّمَ عَنْ يَمِينِهِ تَسْلِيمَةً وَاحِدَةً»

عطاء بن یاسر رضی اللہ عنہ بیان کرتے ہیں کہ رسول اللہ صلی اللہ علیہ وسلم نے اپنے دائیں طرف ایک مرتبہ تسلیم کیا۔

مسند الحارث میں مذکور ہے۔

32.

. نا مُحَمَّدٌ، نا مُعَلًّي، نا وُهَيْبٌ، عَنْ هِشَامِ بْنِ عُرْوَةَ، عَنْ أَبِيهِ أَنَّهُ كَانَ ” يُسَلِّمُ وَاحِدَةً: السَّلَامُ عَلَيْكُمْ “

حضرت عائشہ رضی اللہ عنہا کے بھتیجے ہشام بن عروہ رضی اللہ عنہ کہتے ہیں کہ میرے والد ایک مرتبہ تسلیم کیا کرتے تھے۔

| اسے امام ابن خزیمہ نے اپنی صحیح میں روایت کیا ہے اور یہ صحیح ہے |

33.

حَدَّثَنَا رَبِيعٌ الْجِيزِيُّ , وَرَوْحُ بْنُ الْفَرَجِ , قَالَا: ثنا أَحْمَدُ بْنُ أَبِي بَكْرٍ الزُّهْرِيُّ قَالَ: ثنا عَبْدُ الْعَزِيزِ بْنُ مُحَمَّدٍ الدَّرَاوَرْدِيُّ , عَنْ مُصْعَبِ بْنِ ثَابِتٍ , عَنْ إِسْمَاعِيلَ بْنِ مُحَمَّدٍ , عَنْ عَامِرِ بْنِ سَعْدٍ , عَنْ سَعْدٍ ” أَنَّ رَسُولَ اللهِ صَلَّى اللَّهُ عَلَيْهِ وَسَلَّمَ كَانَ يُسَلِّمُ فِي آخِرِ الصَّلَاةِ تَسْلِيمَةً وَاحِدَةً: السَّلَامُ عَلَيْكُمْ “

امام ابن شہاب زہری سعد رضی اللہ عنہ سے روایت کرتے ہیں کہ انہوں نے کہا: “یقیناً رسول اللہ ﷺ نے اپنی نماز کے آخر میں صرف ایک ہی تسلیم کہی۔”

| امام طحاوی الحنفی کی شرح معانی الآثار – امام احمد کی رائے یہ ہے کہ حدیث مرسل ہے – صحیح |

34.

وذكر الطبري قال: حدثنا محمد بن مرزوق، قال: حدثنا الحجاج بن نصير، أخبرنا أبو عبيدة، حدثنا الحسن ومحمد بن سيرين، قالا: حدثنا أنس بن مالك قال: (صليت خلف رسول الله، وأبى بكر، وعمر، وعثمان، فكانوا يسلمون تسليمة واحدة

امام الطبری رضی اللہ عنہ کہتے ہیں کہ محمد بن سیرین اور حسن رضی اللہ عنہم روایت کرتے ہیں کہ انس بن مالک رضی اللہ عنہ کہتے ہیں کہ میں نے رسول اللہ ﷺ، حضرت ابوبکر،حضرت عمر اور حضرت عثمان رضی اللہ عنہما کے پیچھے نماز پڑھی، وہ سب تسلیم ایک بار ہی کہتے تھے۔”

ایک تسلیم پر مالکی علماء کے اقوال

وفي حاشية الدسوقي على الدردير “وَلَا يَضُرُّ زِيَادَةُ وَرَحْمَةُ اللَّهِ وَبَرَكَاتُهُ لِأَنَّهَا خَارِجَةٌ عَنْ الصَّلَاةِ وَظَاهِرُ كَلَامِ أَهْلِ الْمَذْهَبِ أَنَّهَا غَيْرُ سُنَّةٍ وَإِنْ ثَبَتَ بِهَا الْحَدِيثُ لِأَنَّهَا لَمْ يَصْحَبْهَا عَمَلُ أَهْلِ الْمَدِينَةِ بَلْ الْأَوْلَى الِاقْتِصَارُ عَلَى السَّلَامُ عَلَيْكُمْ وَأَنَّ زِيَادَةَ وَرَحْمَةُ اللَّهِ وَبَرَكَاتُهُ هُنَا خِلَافُ الْأَوْلَى”.

امام الدسوقي کے حاشیہ میں امام الدردیر کی شرح الصغیر کے حوالے سے ذکر کیا گیا ہے کہ “وَرَحْمَةُ اللَّهِ وَبَرَكَاتُهُ” کے الفاظ کے اضافے سے کوئی حرج نہیں کیونکہ یہ صلوٰۃ سے باہر ہے۔اور مالکی مذہب کے علما کا بظاہر قول یہ ہے کہ یہ سنت نہیں ہے، خواہ کسی حدیث سے اس کی تائید کی جائے کیونکہ یہ اہل مدینہ کے عمل سے ثابت نہیں ہے، بلکہ ایک تسلیم پر کفایت کرنے کو ترجیح دی جاتی ہے۔کیونکہ وَرَحْمَةُ اللَّهِ وَبَرَكَاتُهُ کے اضافے کے سلسلے میں اختلاف ہے۔

قال ابن عبد البر: العمل المشهور بالمدينة التسليمة الواحدة, وهو عمل قد توارثه أهل المدينة كابراً عن كابر, لا يروى عن عالم بالحجاز ولا بالعراق ولا بالشام ولا بمصر إنكار التسليمة الواحدة ولا إنكار التسليمتين بل ذلك عندهم معروف

حافظ یوسف ابن عبدالبر المالکی بیان فرماتے ہیں کہ مدینہ میں نبی ﷺ کے زمانے سے مشہور رواج ایک تسلیم ہے اور یہ وہ رواج ہے جو بیٹوں کو اپنے باپوں سے وراثت میں ملتا ہے۔ حجاز، عراق، شام یا مصر کے کسی عالم سے یہ روایت نہیں ہے کہ کسی نے ایک تسلیم پر اعتراض کیا، یا کسی نے دو تسلیمات پر اعتراض کیا ہو، بلکہ دونوں اپنے اپنے شہروں میں مشہور اور رائج ہیں۔

قال الحافظ ابن عبد البر:”قال ابن وهب عن مالك: يسلم تلقاء وجهه السلام عليكم”..قال أشهب عن مالك: أنه سئل عن تسليم المصلي وحده فقال: يسلم واحدة عن يمينه. فقيل: وعن يساره؟ فقال: ما كانوا يسلمون إلا واحدة. قال: وإنما حدثت التسليمتين في زمن بني هاشم…

پھر حافظ یوسف ابن عبدالبر المالکی فرماتے ہیں: “(امام مالک کے ایک طالب علم) ابن وہب نے امام مالک سے روایت کی ہے کہ ایک شخص ایک تسلیم کہتا ہے اور اس سے نماز میں ایک تسلیم کے بارے میں پوچھا گیا تو اس نے کہا کہ وہ اپنی دائیں جانب ایک تسلیم کہتا ہے اور اس سے کہا گیا کہ بائیں کا کیا ہوگا؟ تو اس نے جواب میں کہا کہ انہوں نے (نبی کریم ﷺ، خلفائے راشدین، صحابہ، تابعین اور آئمہ اطہار رضی اللہ عنہم نے ایک بار کے علاوہ تسلیم نہیں کہی) اور کہا کہ دو تسلیمات کا رواج عباسیوں نے نافذ کیا تھا۔

[نوٹ: عباسیوں نے امام ابوحنیفہ کی رائے لی اور اسے لوگوں پر نافذ کیا کیونکہ خلیفہ منصور ابتدا میں مؤطا کو سب پر عمل کرنے کا پابند بنانا چاہتے تھے، لیکن امام مالک نے اعتراض کیا۔ عباسیوں نے پھر قاضی یوسف کو سلطنت کا باضابطہ قاضی بنایا اور اس طرح اس علاقے میں احناف کو بالادستی حاصل ہوئی اور دو تسلیمات کا رواج عام ہوا۔]

وأما الليث بن سعد فقال: أدركت الأئمة والناس يسلمون تسليمة واحدة: السلام عليكم….والعمل المشهور بالمدينة

(امام مالک کے حامیوں میں سے ایک) – امام لیث ابن سعد نے کہا: “میں نے آئمہ اور لوگوں کو صرف ایک تسلیم کہتے ہوئے پایا ہے، اور یہ عمل مدینہ میں عام ہے۔”

ما أدركت الأئمة إلا على تسليمة واحدة، فقيل له: تلقاء وجهه؟ قال يتيامن قليلا عن يمينه. قال مالك

امام مالک رحمہ اللہ فرماتے ہیں کہ میں نے اہل مدینہ کو نہیں پایا اس کے سوا کہ انہوں نے نماز ختم کرنے کے لیے ایک سلام کیا، ان سے کہا گیا کہ آگے کی طرف؟ تو آپ نے فرمایا، ’’تھوڑا سا دائیں طرف مڑتے ہوئے۔‘‘ امام اشعب نے اسے مختلف الفاظ میں بیان کیا ہے (جیسا کہ انہوں نے آپ کے ساتھ مختلف اوقات میں مطالعہ کیا)

البیان و تحصیل ابن رشد

قال محمد بن رشد: السلام الواجب الذي يخرج به المصلي من صلاته ويتحلل به منها تسليمة واحدة قبالة وجهه يتيامن بها قليلا الإمام والمأموم والفذ في ذلك سواء، لقول النبي – عَلَيْهِ السَّلَامُ -: «تحريم الصلاة التكبير وتحليلها التسليم»

محمد بن رشد المالکی فرماتے ہیں کہ جس سلام سے تم نماز چھوڑتے ہو وہ ایک دائیں طرف مڑتے ہوئے ہے، خواہ وہ شخص مقتدی ہو، خود نماز پڑھنے والا ہو یا اس کے علاوہ کوئی اور، نبی ﷺ کی روایت کی وجہ سے۔ آپ ﷺ نے فرمایا: “نماز کی ابتدا تکبیر ہے اور اس کا خاتمہ تسلیم ہے۔”

قال الحافظ أبو عمر ابن عبد البر:” قال مالك وأصحابه والليث بن سعد: يسلم المصلي من صلاته -نافلة كانت أو فريضة- تسليمة واحدة. السلام عليكم. ولا يقول: ورحمة الله”.

حافظ یوسف بن عبدالبر رحمہ اللہ کہتے ہیں کہ امام مالک رحمہ اللہ، آپ کے اصحاب اور لیث بن سعد نے کہا:

“نماز پڑھنے والا صرف ایک تسلیم کہتا ہے، خواہ وہ نفل نماز پڑھ رہا ہو، یا فرض نماز (فریضہ) وہ السلام علیکم کہتا ہے اور ورحمۃ اللہ نہیں کہتا۔

شیخ سیدی الخلیل اپنی کتاب التوضیح میں بیان کرتے ہیں کہ امام مالک رحمہ اللہ نے فرمایا:

صرف ایک تسلیم کرنا صحابہ و تابعین کے زمانے میں مدینہ کے لوگوں کا عمل یا رواج ہے۔ انہیں بے شک رسول اللہ ﷺ نے ایک ہی سلام کہا جیسا کہ جنابِ ابوبکر و عمر و عثمان رضی اللہ عنہم اور ان کے علاوہ دوسروں  نے بھی ایک سلام کیا۔ اس قول کو ابن یونس نے انہیں الفاظ میں نقل کیا ہے۔

وقال مالك فى المجموعة: كما يدخل فى الصلاة بتكبيرة واحدة كذلك يخرج منها بتسليمة واحدة

امام مالک رحمہ اللہ نے مدوّنہ کے علاوہ دوسری کتاب میں بیان کیا ہے کہ جس طرح بندہ ایک تکبیر کے ساتھ نماز میں داخل ہوتا ہے اسی طرح ایک سلام سے خاتمہ کرتا ہے۔

امام حطاب مواهب الجليل میں فرماتے ہیں

“امام سند نے الطراز میں کہا، امام مالک نے اس کے ثبوت کے طور پر استعمال کیا، وہ رواج جس پر انہوں نے مدینہ میں لوگوں (یعنی صحابہ اور تابعین) کو پایا: یہ اس حوالے میں سب سے مضبوط دلیل ہے۔ بے شک نماز ہر ایک پر فرض کی گئی تھی اور اللہ کے تمام بندوں کو اس کا پابند کیا گیا۔اس وجہ سے اس میں کسی چیز کو ضروری قرار نہیں دیا جا سکتا سوائے اس چیز کے جو کہ مشہور ہو جس کا حوالہ صرف غیر منقطع رسم و رواج کے ذریعے دیا جا سکے۔ اہل مدینہ کے اعمال میں اس طرح کی غیر منقطع رسمیں موجود ہیں، کیونکہ یہ دارالہجرہ ہے، اس میں شریعت نے جڑ پکڑی تھی، اور اس میں رسول اللہ ﷺ نے وصال فرمایا۔ ان کے بعد خلفائے راشدین نے اس میں جماعت کی نماز بالکل اسی طرح قائم کی جس طرح وہ اٹھائے جانے کے دن قائم کی گئی تھی، اور بعد کے لوگوں کا رواج پہلے والوں (یعنی صحابہ) کے ساتھ جڑا ہوا تھا۔

ابن القاسم روایت کرتے ہیں کہ امام مالک نے فرمایا: “نماز میں کوئی سلام کافی نہیں ہے، سوائے السلام علیکم کہنے کے اور نماز میں داخل ہونے کا کوئی طریقہ کافی نہیں، سوائے اللہ اکبر کہنے کے۔”

قال الامام سحنون التنوخي لابن القاسم اريت الامام كيف يسلم قال واحدة قبالة وجهه ويتيامن قليلا فقلتله فالرجل في خاصة نفسه فقال واحدة عن يمينه

مدوّنہ کے مصنف امام سحنون التنوخی نے امام مالک رحمہ اللہ کے سب سے بڑے شاگرد امام ابن القاسم سے پوچھا جس نے آپ کے پاس 20 سال تک تعلیم حاصل کی، “نماز پڑھنے والا شخص نماز کیسے چھوڑتا ہے؟” ابن القاسم نے کہا: “وہ کہتے ہیں کہ ایک بار آگے کی طرف منہ کر کے پھر تھوڑا سا دائیں مڑ کر” پھر امام سہنون نے اس سے مزید سوال کیا: “ایک شخص خود نماز پڑھے تو کیسا ہے؟” اس نے کہا، “ایک بار تھوڑا سا اپنی دائیں طرف۔”

امام ابن شہاب زہری کے بارے میں ایک مشہور واقعہ ہے کہ انہوں نے ایک عراقی شخص کو مسجد نبوی میں دو سلام کے ساتھ نماز پڑھتے ہوئے دیکھا۔ ابن شہاب نے اس شخص سے پوچھا کہ اس نے یہ عمل کہاں سے حاصل کیا؟ اس شخص نے کہا: نخعی کی سند سے، ابن مسعود رضی اللہ عنہ کی سند سے جنہوں نے کہا… اور پھر حدیث بیان کی۔ ابن شہاب نے کہا کہ مجھے ایسے کسی عمل کا علم نہیں۔ اس آدمی نے ابن شہاب سے پوچھا کہ کیا آپ کو ایک تہائی حدیث معلوم ہے جس پر ابن شہاب نے کہا نہیں۔ پھر اس نے اس سے پوچھا کہ کیا آپ ان تمام حدیثوں میں سے آدھی جانتے ہیں؟ جس پر ابن شہاب نے ہاں کہا۔ اس آدمی نے کہا اچھا اس کو باقی آدھے کے ساتھ شامل کرو ​​جسے تم نہیں جانتے، قاضی ابوبکر ابن العربی بیان کرتے ہیں اس سے ثابت ہوتا ہے کہ مدینہ میں عمل ایک تسلیم تھا۔

شرح قاضی ابوبکر ابن العربی

دیگر مکاتب فکر کے علماء کے اقوال

قال العلامة النووي في المجموع “……” وقالت طائفة يسلم تسليمة واحدة, قاله ابن عمر وأنس وسلمة ابن الأكوع وعائشة والأوزاعي.– رضي الله عنهم- والحسن

امام نووی نے اپنی کتاب المجموع میں نقل کیا کہ مسلمانوں میں سے ایک گروہ نے صرف ایک سلام کہا اور وہ تھے عبداللہ، ابن عمر، انس، سلمہ ابن اکوع، عائشہ، اوزاعی اور حسن رصی اللہ تعالی عنہم اجمعین۔

قال ابن المنذر وقال عمار بن أبي عمار: “كان مسجد المهاجرين يسلمون فيه تسليمة”

ابن المنذر الشافعی بیان کرتے ہیں کہ مہاجرین کی مسجد میں ایک ہی سلام ہوتا تھا۔

ان لوگوں کے لیے جو یہ کہتے ہیں امام احمد بن حنبل رحمہ اللہ کا قول ہے کہ دو تسلیمات واجب ہیں اور جو اس پر عمل نہ کرے اس کی نماز باطل ہے، ابن قدامہ ایک مشہور حنبلی بزرگ، فقیہ، امام احمد کے مکتب فقہ میں ایک بہت بڑا نام اور روایت پسند ماہر الہیات اس بارے میں لکھتے ہیں۔ اپنی تصنیف المغنی میں، “احمد کی کوئی واضح عبارت ایسی نہیں ہے جس میں یہ کہا گیا ہو کہ دو سلام واجب ہیں۔”

قال ابن المنذر : أجمع العلماء على أن صلاة من اقتصر على تسليمة واحدة جائزة

ابن المنذر مزید فرماتے ہیں کہ تمام علماء کا اتفاق ہے کہ صرف ایک سلام کرنا جائز ہے۔

قال الإمام النووي في كتاب الأذكار “..” والواجب تسليمة واحدة, وأما الثانية فسنة لو تركها لم يضره

امام نووی نے تسلیم کے بارے میں شافعی مکتب کے موقف کا تذکرہ کیا ہے: “فرض ایک تسلیم ہے، جب کہ دوسری (تسلیم) سنت ہے (شوافع کے مطابق) اگر وہ اسے (دوسری تسلیم) چھوڑ دے تو اسے کوئی نقصان نہیں پہنچے گا۔

قال الشافعيُّ: إن شاء سلَّم تسليمةً واحدة، وإن شاء سلَّم تسليمتين

امام شافعی رحمۃ اللہ علیہ نے فرمایا کہ اگر کوئی شخص چاہے تو ایک تسلیم کہے اور اگر چاہے تو دو۔

قال الثوري: واحدة عن يمينه.

امام سفیان ثوری رحمۃ اللہ علیہ فرماتے ہیں: “ایک شخص اپنی دائیں طرف ایک بار سلام کہے۔”

والزهري كان ينكر حديث التسليمتين، ويقول: ما سمعنا بهذا

امام زہری رحمۃ اللہ علیہ دو تسلیمات والی حدیث کو رد کرتے تھے اور فرماتے تھے کہ میں نے اس روایت کو کبھی نہیں سنا۔

وحكاه أحمد عن أهل المدينة، وقال: ما كانوا يسلمون إلا واحدةً. قال: وإنما حدثت التسليمتين في زمن بني هاشمٍ.

يعني: في ولاية بني العباس.

امام احمد بن حنبل رحمہ اللہ اہل مدینہ سے روایت کرتے ہیں کہ “انہوں نے ایک بار کے علاوہ تسلیم نہیں کہی، اور انہوں نے کہا کہ دوسری تسلیم بنو عباس کے دور میں نافذ کی گئی تھی۔”

نوٹ: امام احمد کا مکتب مدینہ کے عمل کو بطور دلیل مانتا ہے۔