تشہد میں کیسے بیٹھوں، انگلی کو کیسے حرکت دوں، اور تشہد کیسے پڑھوں؟

کمر سیدھی کرنا

بیٹھنے سے متعلق تین واجبات میں سے پہلا اعتدال ہے، یعنی مکمل طور پر سیدھا بیٹھنا، نہ کہ سجدے سے آدھا اٹھنا۔

سکون اختیار کرنا

تین واجبات میں سے دوسرا طمأنینہ ہے، یعنی کم از کم ایک لمحے کے لیے ریڑھ کی ہڈی کو ساکن رکھنا۔

سلام کے لیے بیٹھنا

تین واجبات میں سے تیسرا یہ ہے کہ نماز سے نکلتے وقت (السلام علیکم کہتے ہوئے) بیٹھے ہونا ضروری ہے۔

تشہد

تشہد پڑھنا سنت مؤکدہ ہے، اور اگر کوئی اسے بھول جائے تو سجدۂ سہو کے ذریعے اس کی تلافی کر سکتا ہے۔ اگرچہ تشہد کے مختلف الفاظ منقول ہیں، تاہم فضیلت یہ ہے کہ اسے درج ذیل الفاظ کے ساتھ پڑھا جائے، جیسا کہ سیدنا عمر رضی اللہ عنہ نے منبر سے تعلیم دی:

.التَّحِيَّاتُ لِلَّهِ. الزَّاكِيَاتُ لِلَّهِ. الطَّيِّبَاتُ الصَّلَوَاتُ لِلَّهِ
.السَّلَامُ عَلَيْك أَيُّه النَّبِيُّ وَرَحْمَةُ اللَّهِ وَ بَرَكَاتُهُ
.السَّلَامُ عَلَيْنَا وَعَلَى عِبَادِ اللَّهِ الصَّالِحِين
أَشْهَدُ أَنْ لَا إلَهَ إلَّا اللَّهُ وَحْدَهُ لَا شَرِيكَ لَهُ
.و َأَشْهَدُ أَنَّ مُحَمَّدًا عَبْدُهُ وَرَسُولُهُ

Al-tahiyatu lillah. Al-Zakiyyatu lillah. Al-tayyibatu al-salawatu lillah.

Al-salamu ‘alayka ayyuha al-Nabiyyu wa rahmatullahi wa barakatuh.

Al-salamu ‘alayna wa ‘ala ‘ibadillah al-salihin.

Ashhadu an la ilaha illah Allah wahdahu la sharika lahu,

wa ashhadu anna Muhammadan ‘abduhu wa rasuluh.

الصلاۃ الإبراهيمية

تشہد کے بعد نبی ﷺ پر درود پڑھنا بھی فضیلت ہے۔ امام مالک کے نزدیک اس کا پسندیدہ صیغہ یہ ہے:

اللَّهُمَّ صَلِّ عَلَى مُحَمَّدٍ وَعَلى آلِ مُحَمَّدٍ
وارْحَمْ مُحَمَّداً وآلَ مُحَمَّدٍ.
وبارِكْ عَلى مُحَمَّدٍ وعلى آلِ مُحَمَّدٍ
كَما صَلَّيْتَ ورَحِمْتَ وبارَكْتَ
على إبراهيمَ وعلى آلِ إبراهيمَ
فِي العَالَمِين إِنَّكَ حَميدٌ مَجيد

Allahumma salli ‘ala Muhammadin wa ‘ala aali Muhammadin,

Warham Muhammadan wa aala Muhammadin,

Wa barik ‘ala Muhammadin wa ‘ala aali Muhammadin,

kama sallayta wa rahimta wa barakta ‘ala

Ibrahima wa ‘ala aali Ibrahima.

Fi al-alamina, innaka Hamidun Majid.

دو سجدوں کے درمیان کیا پڑھا جائے

دو سجدوں کے درمیان کوئی فرض یا سنت ذکر مقرر نہیں۔ انسان “رب اغفر لي” کہہ کر مغفرت طلب کر سکتا ہے یا اس جیسی دیگر دعائیں کر سکتا ہے۔ اسی طرح اپنے والدین یا کسی اور کے لیے بھی دعا کی جا سکتی ہے۔

سلام سے پہلے دعا

رَبَّنَا آتِنَا فِي الدُّنّيَا حَسَنَةً وَفِي الآخِرَةِ حَسَنَةً وَقِنَا عَذَابَ النَّارِ
وَأَعُوذُ بِكَ مِنْ فِتْـنَةِ الْـمَحْيَا وَالْـمَمَاتِ
وَمِنْ فِتْـنَةِ الْقُبْرِ
وَمِنْ فِتْـنَةِ الْـمَسِيحِ الدَّجَّالِ
وَمِنْ عَذَابِ النَّارِ
وَسُوءِ الْـمَصِيرِ

Rabbana atina fi al-dunya hasanatan wa fi al-akhirati hasanatan waqina ‘adhaab al-nari.

Wa a‘udhu bika min fitnati al-mahya wa al-mamati.

Wa min fitnati al-qabr.

Wa min fitnati al-masih al-dajjal.

Wa min ‘adhabi al-nari wa su’ al-masir.

کیسے بیٹھا جائے

یہ فضیلت (مستحب) ہے کہ تورّک کے طریقے پر بیٹھا جائے، جیسا کہ تصویر میں دکھایا گیا ہے، یعنی بائیں کولہے پر بیٹھنا جبکہ بایاں پاؤں دائیں پنڈلی کے نیچے ہو۔ دایاں پاؤں کھڑا ہو اور انگلیاں مڑی ہوئی ہوں۔ پہلی اور دوسری تشہد میں اس طرح بیٹھنا مستحب ہے، لیکن دو سجدوں کے درمیان نہیں۔

انگلی کو کیسے اور کب حرکت دی جائے

اپنی انگلی کو تصویر کے مطابق رکھیں اور اسے پورے وقت طواف کی سمت میں آگے پیچھے یا دائرے کی شکل میں حرکت دیتے رہیں۔ شہادت پڑھتے وقت بھی اسے حرکت دینا بند نہ کریں۔

بیٹھنے کا ناپسندیدہ طریقہ

ایڑیوں پر بیٹھنا کسی بھی وقت مکروہ ہے، جیسا کہ اس طرح:

تحریر: رحمہ اصغر
مراجعہ: شادي المصري
مترجم : محمد طلحہ بن فرید المالکی
مآخذ: العشماویہ، اخضری، ابن عاشر، اور العزیہ۔

مزید مالکی فقہ پڑھیں: Arkview.org
اردو میں دیگر فقہی کتب پڑھنے کے لئے یہاں کلک کیجئے۔
ہمارے ٹیلیگرام سے جڑیں۔